पंचतुंड नररुंडमालाधर पार्वतीश आधी नमितो ||
विघ्नवर्गनग भग्न कराया विघ्नेश्वर गणपती मग तो ||पंच||धृ||
कालिदास कविराज विरचित हे ,गाती शाकुंतल रचितो
जाणुनिया अवसान नसोनी महत्कृत्यभर शिरी घेतो
ईशवराचा लेश मिळे तरी मूढ यत्न शेवटी जातो
या न्याये बलवत्कवी निजवाक्य पुष्पी रसिकार्चन करितो ||पंचतुंड नर ||
शाकुंतल (३१-१०-१८८०)
संगीत-बळवंत पांडुरंग किर्लोस्कर
राग-खमाज
ताल-धुमाळी
चाल-जय जय श्रीरमणा भयहरणा
